spot_img
spot_img

Editor Picks

தேவூர் திரௌபதி அம்மன் ஆலய மாசி பெருவிழா

Date:

தேவூர் திரௌபதி அம்மன் ஆலய மாசி பெருவிழாவில் அம்பாள் சிறப்பு வீதியுலா காட்சியில் ஏராளமான இளைஞர்கள் மற்றும் சிறுவர்கள் உற்சாகமாக நடனம்

மாவட்டம் கீழவேளூர் அடுத்துள்ள தேவூரில் உள்ள அருள்மிகு திரௌபதி அம்மன் ஆலயத்தில் மாசி பெருவிழா கடந்த 20 ஆம் தேதி பூச்சொரிதலுடன் துவங்கியது. தொடர்ந்து ஒவ்வொரு நாளும் சிறப்பு அபிஷேக ஆராதனை நடைபெற்று வந்தது. இந்நிகழ்வில் விழாவின் முக்கிய நிகழ்வுகளில் ஒன்றான அம்பாள் வீதி உலா காட்சி இரவு வெகு விமர்சையாக நடைபெற்றது.

முன்னதாக அம்மனுக்கு பால்,பன்னீர், இளநீர் உள்ளிட்ட பல்வேறு திரவியங்கள் கொண்டு சிறப்பு அபிஷேக ஆராதனை காண்பிக்கப்பட்டது. பின்னர் அம்மன் சிறப்பு மலர் அலங்காரத்தில் எழுந்தருளி பக்தர்களுக்கு அருள் பாலித்தார். தொடர்ந்து ‌ மேளதாளங்கள் முழங்க முக்கிய வீதிகள் வழியாக வந்த அம்மனுக்கு சிறப்பு அர்ச்சனை செய்து வீடுகள் தோறும் வழிபாடு நடத்தினர். வீதியுலா காட்சியின் போது ஏராளமான இளைஞர்கள் மற்றும் சிறுவர்கள் உற்சாகமாக நடனமாடி மகிழ்ந்தனர்.

Share post:

Popular